En Wat Van Romeine 9?

Vir baie mense is Romeine 9 die klassieke hoofstuk in die Bybel om die leer van die uitverkiesing te probeer peil. Hieruit word dan die gevolgtrekking gemaak dat God byvoorbeeld al voor die geboorte van Jakob en Esau besluit het wie uitverkies sal wees en wie nie ( Romeine 9:11-13 ). En dan word die konsekwensie deurgetrek dat God reeds voor die geboorte van elke mens besluit het of hy verlore sal gaan en of hy gered sal word. Ten einde Romeine 9 te kan verstaan, moet ons weet wat die probleem is waarop die apostel in Romeine 9 'n antwoord probeer gee.